Wednesday, November 20, 2013

ഒന്നും ഒന്നും പിന്നെ ഒന്നും

ഉപേക്ഷിക്കപ്പെട്ട പ്രണയത്തിന്റെ 
അവശേഷിപ്പായി ആ പിഞ്ചുകുഞ്ഞിന്റെ 
ഇളം ചുണ്ടില്‍ രണ്ടു തുള്ളി പശുവിന്‍ പാല്‍.

പാലുറഞ്ഞു കല്ലിച്ച മുലയിലെ 
വേദന പട്ട് ചുറ്റി പുതച്ചു, 
അതിന് മുകളില്‍ സ്വര്‍ണം അട്ടിയിട്ട്, 
മിന്നുന്ന ഫ്ലാഷുകള്‍ക്ക് മുന്നില്‍ 
അവള്‍ നാണം കുണുങ്ങി 
പുതുകണവനെ വിരല്‍ കോര്‍ത്ത്‌ നിന്നു.

അവസാന ജനല്‍പ്പാളിയും അടച്ച്, 
കീശയില്‍ തപ്പുന്നതിനിടയില്‍
ഉറ മറന്നതിന്റെ വേവലാതി 
ഒരല്പം പോലും പ്രകടിപ്പിക്കാതെ അവന്‍,
കാമം കണ്ണിലും ചുണ്ടിലും ഇടിമിന്നലാക്കി 
മരുഭൂമിയിലെ മരുപ്പച്ചയില്‍
പുതുമഴപ്പെയ്യിച്ച് നീരുരവയില്‍ 
മുഖംപൂഴ്ത്തി മുങ്ങാംകുഴിയിട്ടു. 

1 comment:

About Me

ലക്ഷ്യത്തിനു മുന്നിൽ കാലുകളും ശരീരമകെയും കുഴഞ്ഞു ബോധമറ്റ് കിടക്കുന്നു...ഒരു പെരുമഴയ്ക്കായ്....